MS Word- இல் கணக்கு பண்ணுவது எப்படி?


முதலில் மெனு பாரில் கால்குலேட் கட்டளையைக் கொண்டு வர வேண்டும்.
இதற்கு Tools மெனு சென்று Customize என்ற பிரிவில் Commands என்ற டேபில் கிளிக் செய்து கிடைக்கும் விண்டோவில் Commands மற்றும் Categories என்ற இரு கட்டப் பிரிவுகள் இருக்கும். இதில் Categories கட்டத்தில் All Commands என்ற பிரிவைத் தேர்ந்தெடுக்கவும்.

Commands கட்டத்தில் வரிசையாகக் கட்டளைகள் இருக்கும்.இதில் Tools Calculate என்பதனைத் தேர்ந்தெடுக்கவும்.அதனை அப்படியே இழுத்து வந்து டாகுமெண்ட்டுக்கு மேலாக இருக்கும் மெனுபாரில் டூல்ஸ் மெனுவில் Speech என்ற ஆப்ஷன் பக்கத்தில் விட்டுவிடவும் அல்லது அந்த மெனுவில் எங்கு வேண்டுமானாலும் ஒட்டிவிடலாம்.

இந்த பிரிவினை Calculate என லேபிள் மாற்றம் செய்திடவும்.இது மற்ற கட்டளைகள் போல் இல்லாமல் கிரே கலரில் தெரியும். இதற்குக் காரணம் டாகுமெண்ட்டில் ஏதேனும் டெக்ஸ்ட் இருந்தால் தான் அது மற்ற கட்டளைகள் போல் தெரியும்.

மற்ற கணக்குகளுக்கு அதற்குண்டான அடையாளங்களைப் (– / * /) பயன்படுத்த வேண்டும்.

எடுத்துக் காட்டாக "இரஜகை 123, திண்டுக்கல் 236, சென்னை 424, மதுரை 326' என டைப் செய்து அந்த வரியை சொற்கள் மற்றும் கமாக்களோடு செலக்ட் செய்து பின் கட்டளையைக் கிளிக் செய்தால் இதன் கூட்டுத் தொகை டாகுமெண்ட்டின் கீழாகக் காட்டப்படும்.கிளிப் போர்டிலும் ஏற்றப்படும்.அதன் மூலம் கூட்டுத் தொகையை எங்கு வேண்டு மானாலும் ஒட்டிக் கொள்ளலாம்.

இதில் என்ன விசேஷம் என்றால் எண்களைக் கூட்டுவதற்கு + அடையாளமும் தரலாம்,ஸ்பேஸ் அடையாளமும் தரலாம்.

எடுத்துக்காட்டாக 220+419 982 என டைப் செய்தால் 419 மற்றும் 982க்கும் இடையே உள்ள ஸ்பேஸ் கூட்டல் அடையாளத்திற்கு இணையாக எடுத்துக் கொள்ளப்பட்டு மூன்று எண்களும் கூட்டப்பட்டு விடையாக 1621 கிடைக்கும்.


பதிவுகளை மின்னஞ்சலில் பெற

"Visits from 182 countries registered"